ცაგერის მუნიციპალიტეტის, ლადო ასათიანის სახელობის ბარდნალის საჯარო სკოლის ფრენბურთელ ვაჟთა გუნდმა სასკოლო სპორტული ოლიმპიადის მუნიციპალურ შეჯიბრში გაიმარჯვა. 

სკოლის აღსაზრდელებს სპორტს ალუდა ხაბულიანი ასწავლის.

სკოლის წარმომადგენლის თქმით, გუნდს აქტიურად ქომაგობდა სკოლის კურსდამთავრებული, ყოფილი პარლამენტარი სერგო ხაბულიანი. მან გამარჯვებული გუნდი დააჯილდოვა.

სკოლა სერგო ხაბულიანს მადლობას უხდის, მოსწავლეებს კი გამარჯვებას ულოცავს.

„მადლობა, ბატონო სერგო, იმ თანადგომისთვის, რომელსაც მუდამ იჩენთ მშობლიური სკოლის, სოფლისა თუ კუთხის მიმართ. გილოცავთ, ბიჭებო, ამ გამარჯვებას თქვენ და თქვენს მასწავლებელ ალუდა ხაბულიანს, რომლის თავდაუზოგავი შრომის შედეგია თქვენი არაერთი გამარჯვება. გვჯერა, კვლავაც ბევრჯერ გაგვახარებთ, წარმატებებით გევლოთ“,-ამბობს სკოლის წარმომადგენელი.

იხილეთ ფოტოები