თბილისის N103 საჯარო სკოლას სპორტში არაერთი წარმატებული მოსწავლე ჰყავს. მათ შორის არის VIII ა კლასის მოსწავლე დავით ფაროიანი, რომელმაც კიკბოქსში პირველი ადგილი მოიპოვა.

კერძოდ, მიმდინარე წლის 16 ნოემბერს საქართველოში კიკბოქსში საერთაშორისო დონის ტურნირი ჩატარდა. დავით ფაროიანი აზერბაიჯანიდან ჩამოსულ მეტოქეს შეხვდა. ორთაბრძოლა თბილისის N103 საჯარო სკოლის მოსწავლის გამარჯვებით დასრულდა. მან მოწინააღმდეგეს ტექნიკური ნოკაუტით მოუგო  და  პირველი ადგილის მფლობელი გახდა.

სკოლის დირექცია მას და მის კლასის დამრიგებელს, მარინე ქარელიძეს წარმატებას ულოცავს.