ადიგენის მუნიციპალიტეტის ბენარის საჯარო სკოლასთან შერწყმულ შოლავერის დაწყებით სკოლაში პედაგოგების: ნანა მაჭარაშვილის, ელზა კაკოშვილის და თეა აბულაძის ხელმძღვანელობით  ჩატარდა ღონისძიება „შემოდგომის გაცილება“. 

სკოლის აღსაზრდელებმა საკლასო ოთახი შემოდგომის ფერებში მორთეს, შემოდგომის ჭირნახული გამოფინეს და ჩურჩხელები ამოავლეს.

ასევე, მოსწავლეებმა დამსწრე საზოგადოება თემატური ლექსებითა და სიმღერებით გაამხიარულეს და შემოდგომის ნობათით გაუმასპინძლდნენ, სტუმრებმა კი დაწყებითი კლასის მოსწავლეებსა და მათ მასწავლებლებს შემოდგომის ასე ლამაზად გაცილებისათვის მადლობა გადაუხადეს და წარმატებები უსურვეს. 

იხილეთ ფოტოები