ნინოწმინდის მუნიციპალიტეტის, ჟდანოვის საჯარო სკოლის 1-ელი კლასის მოსწავლეებმა, დამრიგებლის გრეტა თუმასიანის ხელმძღვანელობით, საახალწლო ზეიმი გამართეს.

სკოლის წარმომადგენლის თქმით, პირველკლასელებმა ნაძვის ხის გარშემო ბევრი იმხიარულეს: იმღერეს, იცეკვეს და სკეტჩები გაითამაშეს. სკოლის აღსაზრდელებს თოვლის პაპაც ესტუმრა.

„პატარების სიხარულს საზღვარი არ ჰქონდა როდესაც თოვლის პაპამ და ფიფქიამ შემოაღეს კარი. თოვლის პაპამაც მათ გული არ დაწყვიტა და საჩუქრები დაურიგა. პატარებთან ერთად დიდი სიხარული განიცადეს მშობლებმაც“,-ამბობს სკოლის წარმომადგენელი.

იხილეთ ფოტოები