წარმატებული და კონკურენტუნარიანი სკოლის სტატუსის მოპოვებისათვის აუცილებელია ლიდერმა შექმნას ისეთი სამუშაო გარემო, სადაც ყველას უხარია ყოფნა. აქ მაქსიმალურადაა გაძლიერებული ურთიერთობების ხარისხი. არ არსებობს „ჩვენ“ და „ისინი“ ; გამქრალია ახლის კეთების შიში. ჩვენთან ყველა ერთად მზად არის სიახლეებისა და ახალი ცვლილებებისათვის. სკოლაში მეფობს სიმართლე და ობიექტურობა.

      ჩამოთვლილ ღირებულებებზე დაყრდნობით ჩვენი სკოლის სასკოლო საზოგადოება, თითოეული თანამშრომელი ზრუნავს ერთმანეთზე. პედაგოგებს შორის კოლეგიალობა და პროფესიულ განვითარებაზე ზრუნვა ღირსეული მომავალი თაობის აღზრდას ემსახურება. ვინაიდან, მოსწავლეები ჩვენგან სწავლობენ მეგობრობას, ქვეყნის სიყვარულსა და ერთგულებას.

      განათლების სისტემაში მიმდინარე ცვლილებების გათვალისწინებით სასწავლო პროცესი მთლიანად მოსწავლეზე ორიენტირებულ სწავლებაზე გადავიდა. ვფიქრობთ, რა რესურსებით გავამდიდროთ საგაკვეთილო პროცესი? რომელი მიდგომები და სტრატეგიებია საუკეთესო? როგორ განვახორციელო და გავააქტიუროთ სასკოლო თემი? აი ეს არის ჩემ მიერ დასახულ მიზანთა ჩამონათვალი, რომელთა განხორციელებაც დადებთად აისახება სასკოლო გარემოზე. ჩვენ ძალიან ბევრი გვაქვს სათქმელი მიღწევების მიმართულებით. ჩვენი სკოლის კურსდამთავრებულები სხვადასხვა პროფესიის წარმომადგენლები არიან; ისინი ჩვენდა საამაყოდ აგრძელებენ ცხოვრებას და ღირსეულად ემსახურებიან სამშობლოს. სკოლას ჰყავს კურსდამთავრებულები,  რომელთა აღზრდისათვის სკოლამ არაერთხელ მიიღო  სამადლობელო წერილები. ისინი დიპლომებით, სიგელებითა და სერტიფიკატებით დაჯილდოვდნენ სხვადასხვა ღონისძიებაში მიღწეული წარმატებისთვის. 

      სასკოლო საზოგადოების ყველაზე მნიშვნელოვანი წევრები ჩვენი მოსწავლეები არიან, რომლებსაც სკოლაში საკუთარი თვითმმართველობა აქვთ. თითოეული მათგანი აქტიურადაა ჩართული სასკოლო ცხოვრებაში. მათი მონაწილეობით სკოლაში სხვადასხვა სახის პროექტები და ღონისძიებები ხორციელდება. ეწყობა შემეცნებითი ხასიათის ვიქტორინები, დებატები, სპორტული შეჯიბრებები და ა.შ. მოსწავლეთა სწავლა-სწავლების პროცესი მიმართულია მხოლოდ ერთი მიზნისაკენ - მოსწავლეებმა გამოვლინონ საკუთარი ნიჭი და სწორად განავითარონ ის. ისინი დიდ როლს თამაშობენ სკოლის საერთო ხედვის ჩამოყალიბებაში. მასწავლებლები საკითხის გადაწყვეტისას ყოველთვის ითვალისწინებენ მათს აზრს.  

      სოფელ სორმონში პირველად 2 კლასიანი სკოლა ჩამოყალიბდა, რომელიც გრიგოლ ბახტაძემ დაარსა. 1930 წლიდან სკოლას  დაწყებითი სკოლის სტატუსი ჰქონდა. 1940 წლიდან ის 8 წლიან სკოლად გადაკეთდა. შენობა, რომელიც დღეს ფუნქციონირებს, 1965 წელს აიგო. 1998 წლიდან სკოლა გახდა საშუალო განათლების მიმღები დაწესებულება. 1955 წლიდან სკოლას ხელმძღვანელობდა ვასილ ჭირაქაძე. სკოლის მეორე დირექტორი გახდა ნიკოლოზ ყურაშვილი (1970-1975). 1975 წლიდან კი იგი ვლადიმერ აფრიდონიძემ შეცვალა. მის შემდგომ დირექტორის პოსტს ზურაბ ნადირაძე იკავებდა. 2004 წლიდან დღემდე  სკოლას პირველი ქალი დირექტორი ქალბატონი ინგა კუხიანიძე უძღვება. ამჟამად სსიპ სორმონის საჯარო სკოლა მცირეკონტიგენტიანია. ჩვენთან სწავლა-აღზრდა სამ საფეხურზე მიმდინარეობს. სკოლაში სწავლობს 39 მოსწავლე.

      სსიპ სორმონის საჯარო სკოლა მცირეკონტიგენტიანი სკოლაა, სადაც სწავლა-აღზრდა სამ საფეხურზე მიმდინარეობს. სკოლაში სწავლობს 39 მოსწავლე, რომელთა სწავლებას 16 მასწავლებელი ხელმძღვანელობს. მათგან 8 წამყვანი  და 8 უფროსი პედაგოგია. სკოლის ინფრასტრუქტურა და მატერიალურ-ტექნიკური ბაზა ხელს უწყობს სწავლა-სწავლების პროცესის ეფექტურად წარმართვას. სხვადასხვა საინტერესო აქტივობები და სტრატეგიები ეხმარება მასწავლებლებს საინტერესოდ დაგეგმონ გაკვეთილები, გაზარდონ მოსწავლეთა მოტივაცია და წარმატებულ კურსდამთავრებულთა რიცხვი. ამ მხრივ სკოლას კარგი ტრადიცია აქვს. ჩვენი კურსდამთავრებულები სხვადასხვა მოწინავე უნივერსიტეტებში აგრძელებენ სწავლას. უნდა აღვნიშნოთ, რომ წელსაც ჩვენი ოქროსმედალოსანი მოსწავლე ქუთაისის საერთაშორისო უნივერსიტეტში 100% გრანტით ჩაირიცხა.