2017-2018 სასწავლო წლის წარჩინებით სკოლადამთავრებული მოსწავლეებისთვის გადასაცემ ოქროსა და ვერცხლის მედლებზე გამოცხადებულ ტენდერში გამარჯვებულმა კომპანიამ მედლები მარტის თვეში უნდა წარმოადგინოს.

საგანმანათლებლო და სამეცნიერო ინფრასტრუქტურის განვითარების სააგენტომ 2 640 ცალი ოქროს და 1 062 ვერცხლის მედალსა და 3 700 ცალი მედლის ჩასადები ყუთის შესაძენად, ტენდერი 2018 დეკემბრის თვეში გამოაცხადა.

ტენდერში შპს „ბენდს იმპორტმა“ გაიმარჯვა და საბოლოოდ, სააგენტომ კომპანიას 97 799 ლარი გამოუყო.

მედლებისა და მის ჩასადებად განკუთვნილი ყუთების ჩასაბარებლად, კომპანიას 45 დღე აქვს გამოყოფილი. ამასთან, ცნობილია, რომ კომპანიამ საგანმანათლებლო და სამეცნიერო ინფრასტრუქტურის განვითარების სააგენტოსთან ხელშეკრულება 2019 წლის 4 იანვარს გააფორმა, ხოლო მედლების ჩაბარების ბოლო ვადად 11 მარტია განსაზღვრული.

იხილეთ ასევე: 

ოქროსა და ვერცხლის მედალოსანი მოსწავლეებისთვის სერტიფიკატების ფორმატი დამტკიცდა

2017-2018 სასწავლო წელს სკოლადამთავრებული მედალოსანი მოსწავლეების სია ცნობილია