ახალქალაქის რესურსცენტრის უფროსმა მედალოსნებს საზეიმო ცერემონიალი მოუწყო
21-01-2019
ახალქალაქის საგანმანათლებლო რესურსცენტრის სააქტო დარბაზში 2016-2017 სასწავლო წლის სასკოლო მედლების გადაცემის ცერემონიალი გაიმართა.
საზეიმო ღონისძიებას მოწვეული სტუმრები და ადგილობრივი თვითმმართველობის წარმომადგენლები ესწრებოდნენ.
დამსწრე საზოგადოებას ახალქალაქის რესურსცენტრის უფროსი თერეზა ჩივჩიანი მიესალმა, მედალოსნებს წარმატება მიულოცა და დიდი წინსვლა უსურვა.
მისი თქმით, სამაყოა ის ფაქტი, რომ ახალქალაქს ამდენი მედალოსანი არასდროს ჰყოლია, რაც სკოლების ეფექტურ მუშაობასა და ბავშვების მონდომებაზე მეტყველებს.
აღსანიშნავია, რომ მედლები 15 მოსწავლეს გადაეცა (5 ოქროს და 10 ვერცხლის) და ისინი უკვე საქართველოს წამყვანი უნივერსიტეტების წარმატებული სტუდენტები არიან.
იხილეთ ფოტოები
სკოლების სიახლეები
