თბილისის საბავშვო ბაგა-ბაღების მართვის სააგენტო მოსახლეობაში წითელას მასობრივი გავრცელების პრევენციის მიზნით, კონკრეტული ღონისძიებების გატარებას იწყებს - აღნიშნულ განცხადებას თბილისის ბაგა-ბაღების მართვის სააგენტო ავრცელებს.
„საქართველოს მთავრობის განკარგულების შესაბამისად, რომლითაც ადგილობრივ თვითმმართველობებს მათ ტერიტორიაზე, ამ კუთხით კონტროლის მექანიზმის გაძლიერებისთვის კონკრეტული ნაბიჯების გადადგმა დაევალათ, სააგენტოს დირექტორის ბრძანება გამოიცა, რომლითაც ბაგა-ბაღების ადმინისტრაციები დღეიდან იხელმძღვანელებენ.
დოკუმენტის მიხედვით, საბავშვო ბაგა-ბაღებს არასრულად აცრილი ან აუცრელი პირების გამოვლენის მიზნით, მიმდინარე წლის 31 იანვრის ჩათვლით, ბენეფიციარების გეგმური აცრის შესახებ სააგენტოსთვის ინფორმაციის მიწოდება, მშობლებისთვის (ბავშვთა კანონიერი წარმომადგენლისთვის) და პერსონალისთვის საქართველოს მთავრობის განკარგულების გაცნობა და ინფორმაციის ხელმისაწვდომობის უზრუნველყოფა დაევალა.
ამასთანავე, აცრის სტატუსის მიუხედავად, ერთი თვის ვადაში, სავალდებულო ხდება დასაქმებული პირების აცრა წითელას შემცველი კომპონენტის ვაქცინით, ხოლო ბრძანების გამოცემიდან ორი თვის ვადაში, ბენეფიციარების აუცრელობის შემთხვევაში, მისთვის სტატუსის შეჩერების საკითხი განიხილება.
წითელას ეპიდემიის წინააღმდეგ გასატარებელი ღონისძიებების შესახებ ინფორმაცია თბილისის ყველა საჯარო ბაგა-ბაღს უკვე მიეწოდა“, - ნათქვამია სააგენტოს მიერ გავრცელებულ განცხადებაში.
როგორს სააგნტოს წარმომადეგნელმა etaloni.ge -სთან საუბრისას განაცხადა: „ყველასგან ვთხოვთ, რომ უნდა აიცრან, თუ არ აიცრებიან და 2 თვის განმავლობაში არ მოიტანენ ცნობას აცრის შესახებ, მაშინ უნდა მოიტანოს დამადასტურებელი დოკუმენტი რატომ არ აიცრა, რა არის მიზეზი. თუ მიზეზი დამაკმაყოფილებელია მაშინ ბავშვი არ გაირიცხება. თუ არადა შეიძლება დადგეს როგორც ბავშვის, ასევე პერსსონალის სტატუსის შეჩერების საკითხი. აღნიშნული დადგენილება ეხება მხოლოდ წითელას ვაქცინაციას“, - აღნიშნავენ სააგენტოში.
