თერჯოლის N1 საჯარო სკოლის მოსწავლეებმა ბაკურ სულაკაურის გამომცემლობის მიერ გამოცხადებულ „საუკეთესო მკითხველის“ კონკურსში წარმატებით იასპარეზეს.

იანვარის ბოლოს თბილისში, საქართველოს პარლამენტის ეროვნული ბიბლიოთეკის დიდ დარბაზში ჩატარდა კონკურსის I ეტაპი, რომელშიც საქართველოს ყველა კუთხიდან მკითხველთა გუნდები მონაწილეობდნენ.

სკოლის წარმომადგენლის თქმით, თერჯოლის N1 საჯარო სკოლის წიგნის მოყვარული გოგო-ბიჭები კონკურსში ინტერესით ჩაებნენ.

აზარტულად ითამაშეს და დამაჯერებლად გაიმარჯვეს თერჯოლის N1 სკოლის გუნდებმა:

„გრაალის მცველნი“ (VIII-ა კლასი), „ანტიდოტი“(IX-ა კლასი) - პედაგოგი რუსუდან ბოგვერაძე;

,,პირველები“ და Bibliophile Girls (X-ა კლასი) პედაგოგი-თამარ ამირანაშვილი.

„ვულოცავთ გუნდებს და მათ პედაგოგებს ამ გამარჯვებას და ღირსეულ ფინალს  ვუსურვებთ“,-ამბობს სკოლის წარმომადგენელი.

იხილეთ ფოტოები