თბილისის N103 საჯარო სკოლის მეოთხეკლასელებს ფიზიკის კაბინეტში მრავალფეროვანი თვალსაჩინოებებით დატვირთული გაკვეთილი ჩაუტარდათ
22-02-2019
თბილისის N103 საჯარო სკოლის მე-4 კლასის მოსწავლეებს, პედაგოგ ლალი თეთრაძის ხელმძღვანელობით, თემაზე - „მოძრაობა და სიჩქარე“ ფიზიკის კაბინეტში შემაჯამებელი გაკვეთილი ჩაუტარდათ.
სკოლის წარმომადგენლის თქმით, მეოთხეკლასელებს მასპინძლობა ფიზიკის პედაგოგმა მარინა ზუმბაძემ გაუწია, მასწავლებელმა მოსწავლეებს კაბინეტი დაათვალიერებინა, სხვადასხვა თვალსაჩინოება აჩვენა და ცდებში მიაღებინა მონაწილეობა. პედაგოგმა ცნობისმოყვარე პატარების კითხვებსაც უპასუხა.
„ასეთი შთამბეჭდავი მასპინძლობისთვის და მხარდაჭერისთვის მადლობას ვუხდით მარინა მასწავლებელს“,-აღნიშნავს სკოლის წარმომადგენელი.
იხილეთ ფოტოები
სკოლების სიახლეები
„კულტურული მემკვიდრეობის ძეგლების გაცნობა/კვლევა“ - პირველი სვირის საჯარო სკოლის შთამბეჭდავი პროექტი
რუისის N2 საჯარო სკოლის მოსწავლეები, სასწავლო პროექტის ფარგლებში, საბრძოლო დიდების მუზეუმს ესტუმრნენ
