გივი შენგელიას სახელობის წყალტუბოს მუნიციპალიტეტის სოფელ პატრიკეთის საჯარო სკოლის მე-5 კლასში ჩატარდა სამოდელო ინტეგრირებული გაკვეთილი მათემატიკაში. მასწავლებელი ციური გოდუაძე გახლავთ.
გაკვეთილის თემა იყო „ამოცანების ამოხსნა განტოლების შედგენით“.
გაკვეთილზე მოხდა საგანთაშორისი კავშირი მათემატიკასა და ქართულში. „ვეფხისტყაოსნიდან“ მოყვანილი ციტატის საფუძველზე მოსწავლეებმა შეადგინეს და ამოხსნეს განტოლება.
საინტერესო იყო ჯგუფური მუშაობა. მასწავლებელმა ჯგუფებს მისცა ორი სხვადასხვა ამოცანა, რომელიც მათ ამოხსნეს განტოლების მეშვეობით. აქტივობის დასრულების შემდეგ მოსწავლეებმა ამოცანის პირობა პრაქტიკაში განახორციელეს და პროცესი უფრო თვალსაჩინო გახადეს. ამ აქტივობით მათ დაამტკიცეს, რომ „კეთებით სწავლა“ ერთ-ერთი საუკეთესო და ეფექტური მეთოდია თანამედროვე გაკვეთილის წარმართვისას.
იხილეთ ფოტოები
