მარნეულის მუნიციპალიტეტის, ოფრეთის საჯარო სკოლის მე-8 კლასში საგანში საგანში - ქართული, როგორც მეორე ენა სამოდელო გაკვეთილი (გამჭოლი კომპეტენციები - წიგნიერება) ჩატარდა.

გაკვეთილის თემა იყო - ნიკო ფიროსმანაშვილი.

გაკვეთილს ქართული, როგორც მეორე ენა კონსულტან-მასწავლებელი თინა ბაწაშვილი ხელმძღვანელობდა. 

სასწავლო პროცესი მრავალფეროვანი აქტივობებით და ვიზუალური მასალით იყო დატვირთული.

სკოლის წარმომადგენლის თქმით, მოსწავლეებმა საინფორმაციო სახის ტექსტები წაიკითხეს, power point-ში ანიმაციური სავარჯიშოები გააკეთეს. movie miker-ში აწყობილი მოკლე ვიდეორგოლს უყურეს და ფიროსმანის თვისებებზე იმსჯელეს.

„გაკვეთილის ბოლოს მოსწავლეებმა ფიროსმანის შემოქმედებაზე მსჯელობა შეძლეს, მოცემული ბიოგრაფიული ტექსტი გაიაზრეს, ფილმის ფრაგმენტები ნახეს და წაკითხულისა და ნანახის ერთმანეთთან შედარება შეძლეს“,-აღნიშნავს სკოლის წარმომადგენელი. 

სასწავლო პროცესი შეფასების ჯგუფმა დადებითად შეაფასა.

იხილეთ ფოტო