დიდი სმადის სკოლის მოსწავლეებმა ქართული ხალხური ზღაპარი ''ეთერი'' ორიგინალურად წარმოადგინეს
დიდი სმადის სკოლის VI კლასში ჩატარდა ინტეგრირებული გაკვეთილი, რომლის თემა ქართული ხალხური ზღაპარი ''ეთერი'' იყო.
გაკვეთილს პედაგოგები ნინო მაისურაძე და მარი ტყემალაძე უძღვებოდნენ.
მოსწავლეებმა ყურადღება გაამახვილეს ზღაპრის სტრუქტურასა და შინაარსზე, ისაუბრეს ზაქარია ფალიაშვილის ოპერაზე ''აბესალომ და ეთერი''. ზღაპრის მიხედვით, გაინაწილეს როლები და განასახიერეს თითოეული პერსონაჟი, ასევე მოუსმინეს ზაქარია ფალიაშვილის ოპერას ''აბესალომ და ეთერი''.