დაბა მანგლისის N1 საჯარო სკოლაში დაუნის სინდრომის საერთაშორისო დღესთან დაკავშირებით, ღონისძიება ჩატარდა, სადაც მოსწავლეებმა გამოფინეს თავიანთი ხელით შექმნილი ნამუშევრები და წარმოადგინეს თავიანთი შეხედულებები და დევიზი „ჩვენ არ ვითვლით ქრომოსომებს“.

21 მარტს მსოფლიოში დაუნის სინდრომის დღე აღინიშნება. 2019 წელს დაუნის სინდრომის საერთაშორისო დღის გზავნილია „არავინ დატოვო მიღმა“. ეს დღე პირველად 2006 წლის 21 მარტს აღინიშნა. დღე და თვე შემთხვევით არ აურჩევიათ და ის სიმბოლური ხასიათისაა. 21-ე ქრომოსომას აღნიშნავს თარიღი, ხოლო მარტი როგორც წელიწადის მესამე თვე - ტრისომიულ მოვლენას. დაუნის სინდრომი ქრომოსომული გენეტიკური ცვლილებაა, რომლის დროსაც 46 ქრომოსომის ნაცვლად, გვხვდება დამატებით ერთი ქრომოსომა 21-ე წყვილში, რასაც 21-ე წყვილის ტრისომია ეწოდება.

იხილეთ ფოტოები