ქალაქ თელავის N7 საჯარო სკოლაში დაუნის სინდრომის საერთაშორისო დღესთან დაკავშირებით მე-7 და მე-8 კლასების მოსწავლეებისგან შემდგარმა საინიციატივო ჯგუფმა სპეციალური მასწავლებლის, ელენე ხმალაძის, ხელმძღვანელობით, საინფორმაციო სახის აქცია მოაწყო.

დაუნის სინდრომის ცნობადობის ამაღლების მიზნით, ჯგუფმა ყველა კლასში წარადგინა პრეზენტაცია აღნიშნულ თემაზე. ასევე, დამზადდა ფლაერები და მოეწყო ნახატების გამოფენა.

21 მარტს მსოფლიოში დაუნის სინდრომის დღე აღინიშნება. 2019 წელს დაუნის სინდრომის საერთაშორისო დღის გზავნილია „არავინ დატოვო მიღმა“. ეს დღე პირველად 2006 წლის 21 მარტს აღინიშნა. დღე და თვე შემთხვევით არ აურჩევიათ და ის სიმბოლური ხასიათისაა. 21-ე ქრომოსომას აღნიშნავს თარიღი, ხოლო მარტი როგორც წელიწადის მესამე თვე - ტრისომიულ მოვლენას. დაუნის სინდრომი ქრომოსომული გენეტიკური ცვლილებაა, რომლის დროსაც 46 ქრომოსომის ნაცვლად, გვხვდება დამატებით ერთი ქრომოსომა 21-ე წყვილში, რასაც 21-ე წყვილის ტრისომია ეწოდება.

იხილეთ ფოტოები