ყვარლის მუნიციპალიტეტის, კუჭატნის საჯარო სკოლის მოსწავლეები სასწავლო-შენეცნებით ექსკურსიაზე დავით გარეჯში იმყოფებოდნენ.
სკოლის აღსაზრდელებმა დავით გარეჯის სამონასტრო კომპლექსი დაათვალიერეს.
სკოლის წარმომადგენლის თქმით, მოსწავლეებს მოძიებული ჰქონდათ ინფორმაციები დავით გარეჯის მონასტრის დაარსებისა და 12 ასურელი მამის შესახებ.
ექსკურსიის გიდმა მათ ყველა შეკითხვას ამომწურავად უპასუხა.
როგორც სკოლის წარმომადგენელი აღნიშნავს, მოსწავლეები ექსკურსიიდან უზომოდ კმაყოფილები დაბრუნდნენ.
„მათ კიდევ ერთხელ, შეიგრძნეს რამდენად დიდებული და ბრწყინვალე წარსული აქვს ჩვენს სამშობლოს“,-ამბობს სკოლის წარმომადგენელი.
ექსკურსიას ორგანიზება სკოლის დირექტორმა ნინო მელქოშვილმა და მასწავლებლებმა: დავით თედეიშვილმა, ნატალია ქორთიევმა, ნანა გულიაშვილმა და მარიამ ჩუგოშვილმა გაუწიეს.
იხილეთ ვიდეო ფოტოები
.jpg){kind=link}