გორის მუნიციპალიტეტის, ზერტის საჯარო სკოლაში გზავნილით - „მეგობრები არ ითვლიან ქრომოსომებს“ დაუნის სინდრომის შესახებ ცნობიერების ამაღლების მსოფლიო დღე აღნიშნეს.
სკოლის წარმომადგენლის თქმით, პედაგოგების ეკა ინაურის და მაკა სუხიტაშვილის მოსწავლეები ცნობიერების ასამაღლებელ კამპანიას შეუერთდნენ და ეს დღე განსაკუთრებული მონდომებით აღნიშნეს.
ღონისძიება მრავალფეროვან აქტივობებს მოიცავდა, მათ შორის სკოლის აღსაზრდელები ჭრელი წინდების კამპანიაში ჩაერთნენ და ფოტოები გადაიღეს.
21 მარტი გაერთიანებული ერების ორგანიზაციის ინიციატივით 2011 წლიდან დაუნის სინდრომის საერთაშორისო დღედ დაწესდა და მსოფლიოს სხვადასხვა ქვეყანაში, მათ შორის საქართველოშიც აღინიშნება.
მსოფლიო ამ დღეს დაუნის სინდრომის მქონე პირთა წინაშე არსებული გამოწვევების გარშემო ერთიანდება. უკვე მრავალი წელია ჭრელი წინდები სოლიდარობის სიმბოლოდ იქცა.
იხილეთ ფოტოები
