ლაგოდეხის მუნიციპალიტეტის ჰერეთისკარის საჯარო სკოლაში წყლის საერთაშორისო დღე აღნიშნეს.
სამოქალაქო განათლების კლუბი „სხივის“ წევრებმა სხვადასხვა კლასის მოსწავლეებს და სკოლის წარმომადგენლებს წყლის მნიშვნელობა, მისი დაბინძურების სახეები და დაბინძურების თავიდან აცილების გზების შესახებ პრეზენტაცია წარმოუდგინეს.
კლუბი „სხივის“ წევრებმა გაიხსენეს ბულაჩაურის „მწვანე ცენტრში“ გატარებული დღეები და ისაუბრეს იქ მიღებულ შთაბეჭდილებებზე.
მოსწავლეები აქტიურად ჩაერთნენ პრეზენტაციაში და გამოთქვეს მოსაზრებები წყლის სისუფთავესა და მისი დაზოგვის გზების შესახებ. პრეზენტატორებმა ხაზი გაუსვეს უსაფრთხო წყლის მნიშვნელობას, წყლის შეფუთვის სახეობებს და მათგან უვნებელი პლასტმასების ერთმანეთისაგან გარჩევის ხერხებს. მოსწავლეებმა გამართეს ინტერაქტიული ლექცია დაბუნძურებული წყლით გამოწვეული დაავადებების შესახებ.
სკოლის დირექტორმა, მარინა ნადოშვილი-წიქარიშვილმა დადებითად შეაფასა სამოქალაქო კლუბის წევრების მიერ მოწყობილი პრეზენტაცია და მომავალი წარმატებები უსურვა სკოლის მოსწავლეებს.
ჰერეთისკარის საჯარო სკოლა სისტემატიურად არის ჩართული სხვადასხვა პროექტში.
იხილეთ ფოტოები
