მესტიის მუნიციპალიტეტის, წვირმის საჯარო სკოლის მოსწავლემ ია ფანგანმა საქართველოში ლიეტუვის რესპუბლიკის საელჩოს და საქართველოს ეროვნული ინტელექტ-ჩემპიონატი „ეტალონის“ ერთობლივი კონკურსში - „ლიეტუვის ევროპული გამოცდილება საქართველოსთვის“ გაიმარჯვა.
საქართველოს ინტელექტ-ჩემპიონატ „ეტალონისა“ და ლიეტუვის რესპუბლიკის საელჩოს მეგობრობა უკვე წლებია გრძელდება და ისინი ერთობლივად არაერთ საინტერესო პროექტს ახორციელებენ.
ერთ-ერთმა ბოლო და წარმატებულმა კონკურსმა, რომელიც ლიეტუვას საელჩოსა და პროექტ „ეტალონის“ ერთობლივი თანამშრომლობით განხორციელდა, სრულიად საქართველოს მოსწავლეების დიდი დაინტერესება გამოიწვია.
წვირმის საჯარო სკოლის მოსწავლეები ია ფანგანი და მარიამ ფანგანი კონკურსში -- „ლიეტუვის ევროპული გამოცდილება საქართველოსთვის“ მონაწილეობდნენ.
ია ფანგანმა I ადგილი დაიკავა, მარიამ ფანგანიც დაჯილდოებაზე მიწვეული იყო როგორც ყველაზე უმცროსი მონაწილე.
გამარჯვებულებს დიპლომები და ფასიანი საჩუქრები გადაეცათ.
იხილეთ ფოტოები
