თერჯოლის მუნიციპალიტეტის დავით კლდიაშვილის სახელობის ზედა სიმონეთის საჯარო სკოლის მე-2 კლასში მათემატიკური ვიქტორინა ,,მათემატიკა გონების  ვარჯიშია’’ ჩატარდა. 

ვიქტორინას პედაგოგი თამარ ქოჩიაშვილი ხელმძღვანელობდა. 

მისი მიზანი მოსწავლეებში შემოქმედებითი უნარის განვითარება, სწრაფი აზროვნების,  ყურადღების, დაკვირვებულობის, თანამშრომლობისა და გუნდური მუშაობის, სწორი  დასკვნების გამოტანის, ინფორმაციის მიღებისა და სწრაფად შესაფერისი პასუხის შერჩევის  უნარის განვითარება იყო. 

ვიქტორინას მე-2  კლასის მოსწავლეები მშობლები და პედაგოგები ესწრებოდნენ. 

მოსწავლეები სპეციალურმა ჟიურიმ შეაფასა, რომლის შემადგენლობაშიც იყვნენ: სკოლის  დირექტორი გიორგი ქასრაშვილი, დაწყებითი კლასების პედაგოგები ნარგიზ აბულაძე და  მაია გიორგაძე. 

მოსწავლეები შესაბამისი სიგელებით დაჯილდოვდნენ. 

იხილეთ ფოტოები