მარტვილის მუნიციპალიტეტის, დიდი ჭყონის N1 საჯარო სკოლაში მრავალფეროვანი აქტივობებით და სასწავლო რესურსით დატვირთული სტანდარტული გაკვეთილი ჩატარდა.
სასწავლო პროცესს მასწავლებელი იზოლდა დანელია ხელმძღვანელობდა.
გაკვეთილის თემა იყო - Valentine's day.
„საგაკვეთილო თემის მოტივაციისა და პროვოცირების მიზნით ვიდეოს -„ვალენტინობის დღე“ მსოფლიოში ჩვენება გაიმართა, რის საფუძველზეც გასაგები გახდა, თუ რა ინფორმაციას ფლობდნენ ბავშვები ამ დღესთან დაკავშირებით. მოსწავლეებმა ეკრანზე ჩვენებით (Power point) შეძლეს ინდუქციის მეთოდით გაეანალიზებინათ ემფატური ნაცვალსახელების გამოყენება წინადადებებში, რომელთაც თან ახლდა კოლაჟები.
გაკვეთილი დატვირთული იყო სხვადასხვა აქტივობებით. წყვილებში მუშაობის დროს მოსწავლეებმა შეძლეს ემფატური ნაცვალსახელების სწორად გამოყენება მოსმენის საფუძველზე.
