გორის N12 საჯარო სკოლის პედაგოგი ეკატერინე მაისურაძე კონკურსში - „ჩაატარე ლექცია ევროპის შესახებ“ მონაწილეობს
03-04-2019
გორის N12 საჯარო სკოლის ისტორიის პედაგოგი ეკატერინე მაისურაძე ეკონომიკური პოლიტიკის კვლევის ცენტრის გამოცხადებულ კონკურსში - „ჩაატარე ლექცია ევროპის შესახებ“ მონაწილეობს.
სკოლის წარმომადგენლის თქმით, კონკურსის ფარგლებში ორი ლექცია ჩატარდა.
კონკურსი აშშ საელჩოს დემოკრატიის მცირე გრანტების პროგრამის მხარდაჭერილი პროექტის - „100 ლექცია ევრო-ატლანტიკურ ინტეგრაციაზე“ ფარგლებში ტარდება.
კონკურსის ფარგლებში საქართველოს მაშტაბით შეირჩა 50 იდეის ავტორი მასწავლებელი, რომლებმაც უნდა ჩაატარონ ორი ლექცია. ლექციის თემატიკისადმი მთავარი მოთხოვნაა - მასში უნდა იყოს წარმოჩენილი ევროპის ისტორია და/ან ევროპის კულტურა, ღირებულებები, ეკონომიკა, ევროპისა და საქართველოს ურთიერთობები და ა.შ.
იხილეთ ფოტოები
სკოლების სიახლეები
