სიღნაღის საჯარო სკოლაში აუტიზმის შესახებ ცნობადობის ამაღლების დღეს, სკოლის სპეციალური მასწავლებლის ორგანიზებით შეხვედრა - „აუტიზმის გასაღები სიყვარულია“ გაიმართა.
შეხვედრაზე მასწავლებლებმა და მოსწავლეებმა აუტიზმის შესახებ ისაუბრეს. ასევე გაიმართა დისკუსია. დაიბეჭდა საინფორმაციო ბროშურები.
სკოლის წარმომადგენლის თქმით, ღონისძიება საინტერესოდ წარიმართა.
2 აპრილს მსოფლიოში აუტიზმის შესახებ ცნობადობის ამაღლების საერთაშორისო დღე აღინიშნება. ეს დღე აუტიზმის შესახებ ინფორმაციის გავრცელების მსოფლიო დღედ 2007 წლის 18 დეკემბერს გაერო-ს გენერალურმა ასამბლეამ გამოაცხადა.
აუტიზმის მსოფლიო დღის აღნიშვნის მიზანია, გაზარდოს საზოგადოების ცნობიერების დონე აუტიზმთან დაკავშირებით. ასევე ხელი შეუწყოს აუტიზმის მქონე ადამიანების ფუნდამენტური უფლებების დაცვასა და რეალიზაციას.
იხილეთ ფოტოები
