თბილისის N60 საჯარო სკოლის თვითმმართველობამ, ქართული ენისა და ლიტერატურის მასწავლებელმა თამარ ყაჭეიშვილმა, ისტორიის მასწავლებლებმა: ინგა ხავთასმა, ქეთევან კერესელიძემ და სკოლის დირექციამ, სასკოლო ბიბლიოთეკაში სასკოლო სემინარი  - „თავისუფლება ისე არ მოდის“  ჩაატარეს.

გაკვეთილი 9 აპრილის ტრაგედიას უკავშირდებოდა.

1989 წლის 9 აპრილის ტრაგედიიდან 30 წელი შესრულდება. 1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან მშვიდობიანი საპროტესტო აქცია დაარბიეს, რასაც მსხვერპლი მოჰყვა. დარბევის შედეგად 21 ადამიანი დაიღუპა და პარლამენტის წინ შეკრებილი ათასობით მოქალაქე დაუდგენელი შემადგენლობის გაზით მოიწამლა. 1991 წლის 9 აპრილს კი მაშინდელმა უზენაესმა საბჭომ ეს თარიღი საქართველოს სახელმწიფოებრივი დამოუკიდებლობის აღდგენის დღედ გამოაცხადა.

იხილეთ ფოტოები