ახალციხის მუნიციპალიტეტის კლდის საჯარო სკოლაში 9 აპრილს დაღუპულთა ხსოვნისადმი მიძღვნილი სასწავლო კონფერენცია ჩატარდა.

ღონისძიება მოამზადა სკოლის ისტორიის პედაგოგმა, შორენა ჭყოიძემ. კონფერენციის მონაწილე საბაზო და საშუალო საფეხურის მოსწავლეებმა წარმოადგინეს ტრაგიკული მოვლენის ისტორიული მიმოხილვა, ფოტო და ვიდეო მასალა. ღონისძიება მხატვრულად გაფორმებული იყო თემატიკის შესაბამისი ლექსებითა და სიმღერებით.

1989 წლის 9 აპრილის ტრაგედიიდან 30 წელი შესრულდება. 1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან მშვიდობიანი საპროტესტო აქცია დაარბიეს, რასაც მსხვერპლი მოჰყვა. დარბევის შედეგად 21 ადამიანი დაიღუპა და პარლამენტის წინ შეკრებილი ათასობით მოქალაქე დაუდგენელი შემადგენლობის გაზით მოიწამლა. 1991 წლის 9 აპრილს კი მაშინდელმა უზენაესმა საბჭომ ეს თარიღი საქართველოს სახელმწიფოებრივი დამოუკიდებლობის აღდგენის დღედ გამოაცხადა.

იხილეთ ფოტოები