ახმეტის მუნიციპალიტეტის ზემო ალვანის N2 საჯარო სკოლის მოსწავლეებმა ღონისძიება სახელწოდებით „9 აპრილის ტრაგედია“ ჩაატარეს.  მათ კიდევ ერთხელ გაიხსენეს და პატივი მიაგეს 1989 წლის 9 აპრილს დაღუპულთა ხსოვნას.

1989 წლის 9 აპრილის ტრაგედიიდან 30 წელი შესრულდა. საბჭოთა არმიამ 1989 წლის 9 აპრილს, თბილისის ცენტრში, პარლამენტის შენობასთან, საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია დაარბია, რის შედეგადაც 21 ადამიანი დაიღუპა, ასობით კი დაიჭრა და მოიწამლა. 1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.

იხილეთ ფოტოები