თბილისის N60 საჯარო სკოლის მასწავლებლებმა და მოსწავლეებმა 9 აპრილის არაერთი ღონისძიება მიუძღვნეს. 

მოსწავლეებმა 9 აპრილის მოვლენებზე ისაუბრეს, კედლის გაზეთები დაამზადეს და ტრაგედიის დროს დაღუპული გმირები გაიხსენეს.

„30 წელი გავიდა საქართველოს უახლეს ისტორიაში ყველაზე ტრაგიკული დღიდან. 1989 წლის 9 აპრილმა ტკივილთან ერთად დაგვიტოვა უდიდესი სიამაყის განცდაც, რამეთუ იმ დღეს შევძელით ერთად დგომა და ეროვნული ერთიანობის მიღწევა. 9 აპრილი არის ერთი დღე ორი დიდი ისტორიული მეხსიერებით: 9 აპრილს პატივს მივაგებთ სამშობლოსათვის დაღუპულ გმირთა ხსოვნას და ამავე დროს, ვზეიმობთ საქართველოს სახელმწიფოებრივი დამოუკიდებლობის აღდგენას“,-აღნიშნავს სკოლის წარმომადგენელი.