ონის მუნიციპალიტეტის გლოლის საჯარო სკოლაში ისტორიის მასწავლებლის, მარინა მაისურაძის ორგანიზებით, მოეწყო ღონისძიება  9 აპრილთან დაკავშირებით „დღე გლოვისა და დღე სიხარულისა“.

მოსწავლეებმა გაიხსენეს 1989 წლის 9 აპრილის ტრაგიკული მოვლენები, საქართველოს სახელმწიფოებრივი დამოუკიდებლობის აღდგენის ტკივილიანი გზა და ამ უდიდეს მონაპოვარს შეწირული გმირები ზვიად გამსახურდია და მერაბ კოსტავა.  მათ პატივი მიაგეს დაღუპულებთა სხოვნას.

1989 წლის 9 აპრილის ტრაგედიიდან 30 წელი შესრულდა. საბჭოთა არმიამ 1989 წლის 9 აპრილს, თბილისის ცენტრში, პარლამენტის შენობასთან,  საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია დაარბია, რის შედეგადაც 21 ადამიანი დაიღუპა, ასობით კი დაიჭრა და მოიწამლა. 1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.

იხილეთ ფოტოები