მესტიის N3 საჯარო სკოლაში, 9 აპრილისადმი მიძღვნილი ღონიძიება ჩატარდა. მოსწავლეებმა დამსწრე საზოგადოებას კიდევ ერთხელ შეახსენეს ის ტრაგიკული მოვლენები, რაც  1989 წლის 9 აპრილს, თბილისის ქუჩებში დატრიალდა.

ღონისძიების მონაწილეებმა წუთიერი დუმილით პატივი მიაგეს სამშობლოს დამოუკიდებლობისათვის დაღუპულ გმირებს, მათ ასევე შექმნეს სტენდი.

ღონისძიება კლასის დამრიგებელების, ისტორიის პედაგოგის იზოლდა წიფიანისა და  ზოია შამფრიანის ორგანიზებით ჩატარდა.

1989 წლის 9 აპრილის ტრაგედიიდან 30 წელი შესრულდა. საბჭოთა არმიამ 1989 წლის 9 აპრილს, თბილისის ცენტრში, პარლამენტის შენობასთან, საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია დაარბია, რის შედეგადაც 21 ადამიანი დაიღუპა, ასობით კი დაიჭრა და მოიწამლა. 1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.

იხილეთ ფოტოები