წყალტუბოს მუნიციპალიტეტის, ფარცხანყანევის N4 საჯარო სკოლაში 9 აპრილთან დაკავშირებით ღონისძიება გაიმართა. 

სკოლის აღსაზრდელებმა 9 აპრილის მოვლენებზე ისაუბრეს და ტრაგედიის დროს დაღუპული გმირები გაიხსენეს.

ასევე გაიმართა ფილმის ჩვენება. 

ღონისძიებას პედაგოგი იზოლდა სულავა ხელმძღვანელობდა.

1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა, თბილისის ცენტრში, პარლამენტის შენობასთან მშვიდობიანი საპროტესტო აქცია დაარბია, რის შედეგადაც 21 ადამიანი დაიღუპა. ათასობით მოქალაქე კი დაუდგენელი შემადგენლობის გაზით მოიწამლა.

1991 წლის 9 აპრილს კი უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.

იხილეთ ფოტოები