მელეს საჯარო სკოლაში ღონისძიება - „დღე მწუხარების და დღე დამოუკიდებლობის“ გაიმართა
11-04-2019
ლენტეხის მუნიციპალიტეტის, მელეს საჯარო სკოლაში 9 აპრილთან დაკავშირებით ღონისძიება - „დღე მწუხარების და დღე დამოუკიდებლობის“ ჩატარდა.
ღონისძიება მისასალმებელი სიტყვით გახსნა პედაგოგმა მზიურა მიჟარაძემ. მოსწავლეებმა 9 აპრილისადმი მიძღვნილი ლექსები წაიკითხეს და წუთიერი დუმილით და ანთებული სანთლებით პატივი მიაგეს საქართველოს დამოუკიდებლობისთვის განწირულ გმირებს.
1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა, თბილისის ცენტრში, პარლამენტის შენობასთან მშვიდობიანი საპროტესტო აქცია დაარბია, რის შედეგადაც 21 ადამიანი დაიღუპა. ათასობით მოქალაქე კი დაუდგენელი შემადგენლობის გაზით მოიწამლა.
1991 წლის 9 აპრილს კი უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
იხილეთ ფოტოები
სკოლების სიახლეები
