დუშეთის მუნიციპალიტეტის, გრიგოლაანთკერის საჯარო სკოლაში 9 აპრილისადმი მიძღვნილი ღონისძიება - „9 აპრილი ჩვენი ტკივილია“ გაიმართა.

სკოლის აღსაზრდელებმა პედაგოგებთან ერთად 9 აპრილის შესახებ დოკუმენტური ფილმი ნახეს,  9 აპრილის მოვლენებზე ისაუბრეს, ტრაგედიის დროს დაღუპული გმირები გაიხსენეს და მათ ხსოვნას პატივი მიაგეს.

1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა, თბილისის ცენტრში, პარლამენტის შენობასთან მშვიდობიანი საპროტესტო აქცია დაარბია, რის შედეგადაც 21 ადამიანი დაიღუპა. ათასობით მოქალაქე კი დაუდგენელი შემადგენლობის გაზით მოიწამლა.

1991 წლის 9 აპრილს კი უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.

იხილეთ ფოტოები