წალენჯიხის მუნიციპალიტეტის ქალაქ ჯვარის N3 სკოლაში ღონისძიება - „9 აპრილი - დღე მწუხარების და დღე დამოუკიდებლობის“ გაიმართა.
ამ დღესთან დაკავშირებით სკოლაში, ისტორიის მასწავლებლის შორენა ციმინტიას ორგანიზატორობით, IX-X კლასელებმა მოაწყვეს საინფორმაციო შეხვედრა, რის შემდეგაც ჯვარის ქუჩებში დაარიგეს 9 აპრილის მოვლენების ამსახველი ბუკლეტები დაარიგეს.
წელს 1989 წლის 9 აპრილის ტრაგედიიდან 30 წელი შესრულდა. საბჭოთა არმიამ 1989 წლის 9 აპრილს, თბილისის ცენტრში, პარლამენტის შენობასთან, საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია დაარბია, რის შედეგადაც 21 ადამიანი დაიღუპა, ასობით კი დაიჭრა და მოიწამლა.
1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
იხილეთ ფოტოები:
