თბილისის საბავშვო ბაგა-ბაღებში მომავალი სასწავლო წლისთვის რეგისტრაცია ივნისში დაიწყება, თუმცა, ზუსტი თარიღი ჯერჯერობით უცნობია. ამასთან, როგორც ბაგა-ბაღების სააგენტო etaloni.ge-სთან საუბრისას აღნიშნავს, მშობლებს ნებისმიერ დროს შეუძლიათ რეგისტრაციის გავლა, ამისთვის მთავარია ბაღში ადგილი იყოს.
„მშობელს ნებისმიერ დროს შეუძლია საბავშვო ბაღში ბავშვის შემოყვანა, თუ ადგილი არის. ზაფხულში ცხადდება თავისუფალი ადგილების რაოდენობა, რის შემდეგაც რეგისტრაცია მთელი წლის განმავლობაში გრძელდება, მთავარია ადგილი იყოს ბაღში. რეგისტრაცია ჩვეულებრივ ელექტრონულად ხდება, თუ ადგილები არ არის, მერე შეუძლია განცხადება დაწეროს ბაღში. როგორც კი ბაღში ადგილი გამოჩნდება, შესაძლებელი ხდება რეგისტრაციის გავლა და ბავშვის ბაღში შეყვანა“, - განაცხადეს ბაგა-ბაღების მართვის სააგენტოში.
