ბორჯომის მუნიციპალიტეტის ანდეზიტის საჯარო სკოლაში 9 აპრილთან დაკავშირებით ღონისძიება - „ვაჩუქოთ ერთმანეთს ტიტები“ ჩატარდა.

ორგანიზატორები ნათელა გელაშვილი-დუგაროვი და თამარ ხუციშვილი გახლდათ.

1989 წლის 9 აპრილის ტრაგედიიდან 30 წელი შესრულდა. საბჭოთა არმიამ 1989 წლის 9 აპრილს, თბილისის ცენტრში, პარლამენტის შენობასთან, საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია დაარბია, რის შედეგადაც 21 ადამიანი დაიღუპა, ასობით კი დაიჭრა და მოიწამლა. 1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.

იხილეთ ფოტოები