დედოფლისწყაროს მუნიციპალიტეტის, ოზაანის საჯარო სკოლის მე-5 და მე-6 კლასის მოსავლეებმა (კლასის დამრიგებელი მაია თევზაძე) 9 აპრილთან დაკავშირებით ლიტერატურულ-მუსიკალური კომპოზიცია - „თავისუფლება სულს ისე მოსწყურდა“ გაიმართა. 

სკოლის აღსაზრდელებმა 9 აპრილის მოვლენებზე ისაუბრეს, ტრაგედიის დროს დაღუპული გმირები გაიხსენეს და მათ ხსოვნას პატივი მიაგეს.

1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა, თბილისის ცენტრში, პარლამენტის შენობასთან მშვიდობიანი საპროტესტო აქცია დაარბია, რის შედეგადაც 21 ადამიანი დაიღუპა. ათასობით მოქალაქე კი დაუდგენელი შემადგენლობის გაზით მოიწამლა.

1991 წლის 9 აპრილს კი უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.