დაბა თიანეთის N2 საჯარო სკოლის მოსწავლეებმა თავიანთი მოკრძალებული ღონისძიებით პატივი მიაგეს 9 აპრილს საქართველოს თავისუფლებისათვის გმირულად დაღუპულთა ხსოვნას.
სკოლაში გამართულ ღონისძიებაზე მოსწავლეებმა ნახეს კინოფილმი, ისაუბრეს 9 აპრილის წინა და შემდგომ მოვლენებზე, გაიხსენეს მამულისთვის თავგანწირული ახალგაზრდები და მათ ხსოვნას წუთიერი დუმილით პატივი მიაგეს.
წელს 1989 წლის 9 აპრილის ტრაგედიიდან 30 წელი შესრულდა. საბჭოთა არმიამ 1989 წლის 9 აპრილს, თბილისის ცენტრში, პარლამენტის შენობასთან, საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია დაარბია, რის შედეგადაც 21 ადამიანი დაიღუპა, ასობით კი დაიჭრა და მოიწამლა.
1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
იხილეთ ფოტოები
