ხიდისთავის საჯარო სკოლაში ღონისძიება - ,,ჩვენ გვახსოვს 9 აპრილი“ გაიმართა
12-04-2019
ჩოხატაურის მუნიციპალიტეტის, ხიდისთავის საჯარო სკოლაში ღონისძიება - ,,ჩვენ გვახსოვს 9 აპრილი“ გაიმართა.
სკოლის აღსაზრდელებმა 9 აპრილის ტრაგიკულ მოვლენებზე ისაუბრეს, ტრაგედიის დროს დაღუპული გმირები გაიხსენეს და მათ ხსოვნას პატივი მიაგეს.
ღონისძიების შემდეგ მოსწავლეებმა და პედაგოგებმა ყვავილებით შეამკეს 9 აპრილს დაღუპული ნატო გიორგაძის საფლავი.
1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა, თბილისის ცენტრში, პარლამენტის შენობასთან მშვიდობიანი საპროტესტო აქცია დაარბია, რის შედეგადაც 21 ადამიანი დაიღუპა. ათასობით მოქალაქე კი დაუდგენელი შემადგენლობის გაზით მოიწამლა.
1991 წლის 9 აპრილს კი უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
იხილეთ ფოტოები
სკოლების სიახლეები
