ქვემო აკეთის ბიბლიოთეკა საუკეთესოდ მოეწყო.
მოსწავლეებმაც თავიანთი წვლილი შეიტანეს ამ საქმეში. მათ გაიმარჯვეს პროექტში ''ჩვენ და წიგნები''. გამარჯვებულები 700 ლარის ღირებულების, მსოფლიოს საუკეთესო მწერლების წიგნებით დააჯილდოვეს. მოსწავლეებმა წიგნები სკოლის ბიბლიოთეკას გადასცეს საჩუქრად.
როგორც მასწავლებლები აღნიშნავენ, ბიბლიოთეკას მკითხველი არ აკლია:
''სკოლის მოვალეობა ხომ განათლებული, წიგნიერი თაობის აღზრდაა. ბიბლიოთეკის გამგე, მზია დოლიძე დიდი რუდუნებით უვლის წიგნსაცავს და ბავშვებს მათი ასაკის გათვალისწინებით სთავაზობს სათანადო ლიტერატურას. ბიბლიოთეკას მკითხველი არასდროს არ აკლია.''