გაიცანით ფოთის კერძო სკოლა „გიმნაზიის“ წარმატებული მოსწავლე ქრისტინა ზუბცოვა
16-04-2019
ფოთის კერძო სკოლა „გიმნაზიაში“ წარმატებული და წარჩინებული მოსწავლეები სწავლობენ, რომლებიც შიდასასკოლო თუ საქალაქო ღონისძიებებში აქტიურად მონაწილეობენ.
მათ შორის არის ქრისტინა ზუბცოვა, რომელიც „ფოთის გაეროს მოდელირება 2019“-ის ორგანიზატორია.
სკოლის წარმომადგენლის ცნობით, ქრისტინა არის მოტივირებული ახალგაზრდა, რომელიც საკმაოდ აქტიურად არის ჩართული არაფორმალურ განათლებაში. წელს ის პირველად მოირგებს გაეროს ორგანიზატორის ამპლუას.
„ბევრ პროექტში მაქვს მიღებული მონაწილეობა, მაგრამ გაეროს განსაკუთრებული ადგილი უჭირავს ჩემს გამოცდილებაში. პირველად 2018 წელს მივიღე გაეროს მოდელირებაში მონაწილეობა, რამაც საოცარი შთაბეჭდილება მოახდინა ჩემზე. ყველას მოგიწოდებთ მიიღოთ მონაწილეობა ფოთის გაეროს მოდელირებაში, რადგან ეს პროექტი მოგცემთ საშუალებას მიიღოთ გამოცდილება, გაიღრმავოთ თქვენი ცოდნა და გაატაროთ დაუვიწყარი დღეები“ - აღნიშნა ქრისტინამ.
სკოლების სიახლეები
