მარნეულის მუნიციპალიტეტის თამარისის N1 საჯარო სკოლაში აღინიშნა დედაენის დღე.

სკოლის ინფორმაციით, ღონისძიებაში მონაწილე მოსწავლეებმა წარმოადგინეს სხვადასხვა ნომრები: ლექსები, სიმღერები, ცეკვები და ინსცენირებები. 

დედაენის დღე საქართველოში 1990 წლიდან 14 აპრილს აღინიშნება. 1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების მიხედვით, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა.

იხილეთ ფოტოები: