ნიჩბისის საჯარო სკოლაში 9 აპრილის ტრაგიკული მოვლენები გაიხსენეს
16-04-2019
მცხეთის მუნიციპალიტეტის ნიჩბისის საჯარო სკოლაში 1989 წლის 9 აპრილის ტრაგიკული მოვლენისადმი მიძღვნილი ღონისძიება გაიმართა.
ღონისძიების მონაწილეებმა 9 აპრილის მემორიალთან სანთლები დაანთეს, სიმბოლურად ტიტებით შეამკეს და პატივი მიაგეს დაღუპულთა ხსოვნას.
1989 წლის 9 აპრილის ტრაგედიიდან 30 წელი შესრულდა. საბჭოთა არმიამ 1989 წლის 9 აპრილს, თბილისის ცენტრში, პარლამენტის შენობასთან, საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია დაარბია, რის შედეგადაც 21 ადამიანი დაიღუპა, ასობით კი დაიჭრა და მოიწამლა.
1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
იხილეთ ფოტოები
სკოლების სიახლეები
