ახალციხის N7 საჯარო სკოლაში დედა ენის დღისადმი მიძღვნილი ღონისძიება გაიმართა. 

სკოლის აღსაზრდელებმა ლექსები წაიკითხეს და იცეკვეს. გაიმართა ასევე თოჯინური სპექტაკლი.

სკოლის წარმომადგენლის თქმით, ღონისძიება გამოვიდა ძალიან ლამაზი და ხალისიანი. 

დედა ენის დღე საქართველოში 14 აპრილს აღინიშნება. 

1978 წლის 14 აპრილს საქართველოს მოსახლეობამ, ინტელიგენციის წარმომადგენლებთან ერთად, მასობრივი გამოსვლა მოაწყო და წინ აღუდგა საბჭოთა კავშირის გადაწყვეტილებას, საქართველოში ქართული ენის, როგორც სახელმწიფო ენის გაუქმების შესახებ.

დაძაბული ვითარების გამო, ოფიციალური მოსკოვი იძულებული გახდა, დაეთმო და კონსტიტუციაში ცვლილება აღარ შევიდა, ხოლო 14 აპრილი „დედაენის დღედ“ გამოცხადდა.

იხილეთ ფოტოები