ზანავის საჯარო სკოლაში ღონისძიება - „სისხლით დამძიმებული თავისუფლება“ გაიმართა
16-04-2019
ადიგენის მუნიციპალიტეტის, ზანავის საჯარო სკოლაში 9 აპრილისადმი მიძღვნილი ღონისძიება - „სისხლით დამძიმებული თავისუფლება“ გაიმართა.
სკოლის წარმომადგენლის თქმით, მოსწავლეებმა 9 აპრილის ტრაგედიის დროს დაღუპულ გმირებს ლექსები და სიმღერები მიუძღვნეს.
1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა, თბილისის ცენტრში, პარლამენტის შენობასთან მშვიდობიანი საპროტესტო აქცია დაარბია, რის შედეგადაც 21 ადამიანი დაიღუპა. ათასობით მოქალაქე კი დაუდგენელი შემადგენლობის გაზით მოიწამლა.
1991 წლის 9 აპრილს კი უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
იხილეთ ფოტოები
სკოლების სიახლეები
