ცაგერის მუნიციპალიტეტის, ოყურეშის საჯარო სკოლის მოსწავლეებმა ჭადრაკში მოსწავლეთა რაიონული პირველობაში წარმატებით იასპარეზეს.
ცაგერის კომპლექსური სასპორტო სკოლის ინიციატივით მიმდინარე წლის 29 მარტს ცაგერის გელა ხვადაგიანის სახელობის სასპორტო სკოლაში ჭადრაკში მოსწავლეთა რაიონული პირველობა გაიმართა.
შეჯიბრში ცაგერის, ლასურიაშის, ჩხუტელის და ოყურეშის საჯარო სკოლის მოსწავლე გოგონები და ვაჟები მონაწილეობდნენ.
პირველი ადგილი ცაგერის საჯარო სკოლის მოსწავლეებმა - ელენე მუშკუდიანმა და გიორგი ახვლედიანმა დაიკავეს. მეორე ადგილი ანი ყურაშვილმა ოყურეშის საჯარო სკოლის მოსწავლემ და ლევან ყურაშვილმა ცაგერის საჯარო სკოლის მოსწავლემ, ხოლო მესამე ადგილი ლასურიაშის საჯარო სკოლის მოსწავლემ მიხეილ ჭაბუკიანმა და ოყურეშის საჯარო სკოლის მოსწავლემ ჯიმშერ ლიპარტელიანმა.
გუნდური პირველი ადგილი ცაგერის საჯარო სკოლის გუნდმა აიღო, მეორე ოყურეშის, მესამე კი ლასურიაშის საჯარო სკოლის გუნდებმა.
ღონისძიებას ცაგერის მუნიციპალიტეტის განათლების, კულტურის, სპორტის, ტურიზმისა და ახალგაზრდობის საქმეთა სამსახურის უფროსი გოგი კვირიკაშვილი ესწრებოდა.
