ადიგენის მუნიციპალიტეტის კახარეთის საჯარო სკოლაში დედა ენის დღესთან დაკავშირებით ღონისძიება ჩატარდა, რომელშიც მონაწილეობა მიიღო სხვადასხვა კლასის მოსწავლემ.

ღონისძიების ფარგლებში მოსწავლეებმა შეასრულეს სიმღერები და ცეკვები, წარმოთქვეს სიტყვები და სასიამოვნოდ აღნიშნეს 14 აპრილი მასწავლებლებთან ერთად.

დედა ენის დღე საქართველოში 1990 წლიდან 14 აპრილს აღინიშნება. 1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების მიხედვით, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა.

იხილეთ ფოტოები