ქედის მუნიციპალიტეტის ოქტომბრის საჯარო სკოლაში, ისტორიის პედაგოგ ანზორ ბასილაძის ხელმძღვანელობით ჩატარდა 1989 წლის 9 აპრილის მოვლენებისადმი მიძღვნილი ღონისძიება „9 აპრილი - საქართველოს მოუშუშებელი ტკივილი“. 

ღონისძიებაში აქტიური მონაწილეობა მიიღეს V-XII კლასის მოსწავლეებმა. დამსწრე საზოგადოებას სიტყვით მიმართა სკოლის დირექტორმა ნონა გორგაძემ. 

ღონისძიებას უძღვებოდნენ VI და X კლასის მოსწავლეები გიორგი კონცელიძე და მარიამ ზოიძე. მონაწილეებმა ვიდეორგოლის საშუალებით დამსწრე საზოგადოებას კიდევ ერთხელ გაახსენეს 1989 წლის 9 აპრილის მოვლენები და წუთიერი დუმილით პატივი მიაგეს ტრაგიკულად დაღუპულ გმირთა ხსოვნას. მოსწავლეებმა წაიკითხეს 9 აპრილისადმი მიძღვნილი ლექსები, მოისმინეს ჯემალ სეფიაშვილის სიმღერა „ვაჩუქოთ ერთმანეთს ტიტები“, რომელიც ნამდვილ პატრიოტულ ჰიტად და თავისუფლების ჰიმნად იქცა ქართველი ერისათვის.

დასასრულს მოსწავლეებმა ცოცხალი ყვავილებით შეამკეს ქედის მუნიციპალიტეტის ცენტრში მდებარე 9 აპრილის მემორიალური დაფა.

იხილეთ ფოტოები