ქართული ენისა და ლიტერატურის კათედრის წევრების ნორა ონიანის, ლედი ბოლქვაძისა და ლონდაჯამბურიძის ხელმძღვანელობით, კიდევ ერთი ისტორიული დღე აღინიშნა ხონის რაიონ ნამაშევის საჯარო სკოლაში.
9 აპრილი სამშობლოსათვის დაღუპული გმირთა ხსოვნას და ამავე დროს საქართველოს სახელმწიფოებრივი დამოუკიდებლობის აღდგენას მიეძღვნა.
სკოლის მოსწავლე ახალგაზრდებმა დამსწრე საზოგადოებას კიდევ ერთხელ შეახსენეს 9 აპრილის მნიშვნელობა.
„30 წელი გავიდა ამ ტრაგიკული დღიდან და ჩვენთვის ის დღე ისევ ტკივილიანი და ცრემლიანია. მოსწავლეებმა მოწიწებითა და დიდი პატივისცემით გაიხსენეს 9 აპრილს დაღუპული გმირების სახელები.
ამ მოკრძალებული ღონისძიებით სკოლის მოსწავლეებმა ყველა დაღუპული გმირის ოჯახს სამძიმარი უთხრა და მადლობა მათ, რომ გასწირეს სიცოცხლე სამშობლოს დამოუკიდებლობისთვის, რომლითაც ჩვენი თაობა ყოველთვის იამაყებს.“ - აღნიშნა სკოლის წარმომადგენელმა.
