მცხეთის მუნიციპალიტეტის, ბიწმენდის საჯარო სკოლაში 9 აპრილს ღონისძიება მიუძღვნეს. 

სკოლაში გამოიფინა 9 აპრილის ტრაგედიის ამსახველი ფოტომასალა, მოსწავლეები სიტყვით გამოვიდნენ და 9 აპრილის მოვლენებზე ისაუბრეს. სკოლის აღსაზრდელები ასევე  ტრაგედიის დღეს გადაღებულ დოკუმენტურ კადრებს გაეცნენ.

1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა, თბილისის ცენტრში, პარლამენტის შენობასთან მშვიდობიანი საპროტესტო აქცია დაარბია, რის შედეგადაც 21 ადამიანი დაიღუპა. ათასობით მოქალაქე კი დაუდგენელი შემადგენლობის გაზით მოიწამლა.

1991 წლის 9 აპრილს კი უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.

იხილეთ ფოტოები