ბოლნისის მუნიციპალიტეტის დაბა თამარის საჯარო სკოლაში დედა ენის დღისადმი მიძღვნილი ღონისძიება ჩატარდა, რომელშიც მონაწილეობდნენ Iა და Iბ კლასის მოსწავლეები. 

ბავშვებმა გაიხსენეს ამ დღესთან დაკავშირებული ისტორიული მოვლენები. წაიკითხეს ლექსები და შესრულდა სიმღერები.

დედაენის დღე საქართველოში 1990 წლიდან 14 აპრილს აღინიშნება. 1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების მიხედვით, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა.

იხილეთ ფოტოები: